Cabaron Volleyball Cup: Moalboal, laing 3 ka teams gisubhan og daog
CEBU, Philippines — Ang Moalboal, Barili, Badian, and Ronda mipakyaw og daog sa nag-una nilang duha ka mga duwa sa 1st Mayor Inocentes Cabaron Invitational Men s and Women s Volleyball Tournament didto sa lungsod sa Moalboal ning bag-ohay pa lamang.
Ubos sa paggiya ni kanhi national team member Dave Cabaron, ang Moalboal nagsandig nilang Maybelle Cabaron, Shellce de la Rita, Jonabelle Gempeno, Crisha Omagac, Jasmine Airah, ug Julianna Gabales aron ilampornas ang Alcantara sa iskor nga 25-9, 25-22 sa women's division.
Samtang ang ilang men's team nga gipangulohan nilang Jay Joseph Cabaron, Christian Jake Tabacon, John Romeo Abrenica, Rhadney Jay Pinosa ug Dave Cabaron isip playing coach nanglimbasog una sa wala pa pioga ang Alcantara sud sa tulo ka sets, 25-12, 20-25, 25-23.
It s been a long time since we got to play in front of our hometown crowd so we will really try our best to win the tournament, matud pa ni coach Cabaron, nga nakaduwa uban sa Philippine national team niadtong 2017 Southeast Asian (SEA) Games.
Sama sa Moalboal, ang Barili mipugnit sab og kaluhang daog diin ang men's team nilang Aaron Ricaplaza, James Anthony Timagos, John Cydric Bayang, Christian Carampatana, Rachaelus Nemeno ug Sevens Alec Daclan mibugha sa Malabuyoc, 25-19, 25-20 ug ang women's team nilang Nestey Geonzon, Myline Yucada, Mary Causin, Sheila Marie Compasion, Althea Mae Uy, ug Analie Canete milampornas sab sa Malabuyoc, 25-17, 25-14.
Wala magpa-alakansi sila si Mary Mae Lamberte, Ivie Jane Samotanez, Stephany Caldusa, Harlene May Otoc, Shyra Aspacio, ug Joelaica Bejo nga mituboy sa Badian women s team ngadto sa 25-13, 25-23 nga pagpakaging sa Alegria ingon man silang Alvin James Uy, Jun Robie Endrina, Clayton Troy Dacillo, Kim Bryan Bitangga, ug Kher Gramatica nga mi-aswat sa Badian ngadto sa 25-17, 13-25, 25-22 nga pagpahulod sa Alegria's sa men's division.
Sa laing bahin, ang Ronda nanginahanglan og tulo ka sets sa wala pa buntoga ang Dumanjug, 25-16, 16-25, 25-15, sa women s category ug 14-25, 25-21, 25-21 sa men s division.
- Latest
