Celtics, Lakers mikadlit og daog
CEBU, Philippines — Ang Boston Celtics ug Los Angeles Lakers mipayaka sa tagsa-tagsa nila ka mga karibal sa NBA kagahapon adlawa.
Bangis nga namawi ang Celtics gikan sa bugnaw kaayong sinugdanan aron pakagingon ang Washington Wizards, 113-129.
Ang Celtics na-alkansi og siyete puntos sa halftime, 64-71, apan miresbak pinaagi sa nagkayong 36-16 rall sa ikatulong kuwarter nga nahimo nilang yawi sa kadaogan.
Didto sa Los Angeles, si D'Angelo Russell mikadlit og 21 sa iyang 30 puntos sa first half diin ang Lakers mirapido og 87 puntos dayon na ngadto sa pag-ihaw sa New Orleans Pelicans, 139-122.
Ang Lakers mipabuhagay og 51 puntos sa ikaduhang kuwarter ug ang tanan niyang starters mirehistro og dili mominus 20 puntos.
Didto sa Sacramento, si Domantas Sabonis miwani ni Nikola Jokic aron pangulohan ang Kings ngadto sa 135-106 nga paglampornas sa Denver Nuggets.
- Latest
