Kasikas sa NBA ni Harden moduwa sa Sixers

CEBU, Philippines —  Si Philadelphia star guard James Harden namahayag nga dili na mahilot pa ang nagusbat nilang relasyon sa ilang presidente sa basketball operations nga si Daryl Morey.

Bisan pa man niini, si Harden moduwa gihapon uban sa Sixers sa umaabot nga season.

Nasuko si Harden human wala tumana ni Morey ang gipasalig niini nga i-trade siya ngadto sa laing team partikular na sa LA Clippers.

Tungod niini, gitawag ni Harden si Morey nga usa ka dakong bakakon ug dili na mahitabo pa nga magka-uli ang maayo nilang kabubut-on.

Bridges sa Hornets gisikop

Si Charlotte Hornets forward Miles Bridges boluntaryong mitahan sa iyang kaugalingon ngadto sa mga otoridad sa Lincoln County, North Carolina.    Kini human si Bridges nalutsan og arrest warrant gumikan sa reklamong domestic violence nga gisang-at batok kaniya luyo sa insidente nga may kalambigitan ang kanhi niya hinigugma nidtong 2022. Ang 25-anyos nga si Bridges, nga magsugod sa ikalima niyang kampanya uban sa Hornets, nakagawas ra sab hinoon dayon tulo ka oras  sukad sa iyang pag-abot sa detention center human nakapiyansa.