Ancajas gikatakdang moaway kaduha sa 2020

CEBU, Philippines — Sama sa iyang gibuhat karong tuiga, ang IBF super flyweight champion nga si Jerwin Ancajas gusto nga mohimo og duha ka title defense sa tuig 2020.

Si Ancajas nagmalampuson sa katapusan niyang sangka karong tuiga human niya gipaundang ang Chilean nga si Miguel Gonzales niadtong Disyembre 7 didto sa Mexico City.

Ang kadaogan ni Gonzales maoy ikawalo niyang malampusong title defense ug plano sa iyang kampo nga makadepensa pa sa sunod tuig.

Ang handler ni Ancajas nga si Sean Gibbons,  ang  president sa MP Promotions, miingon nga duha ka title defense ilang ihatag ni Ancajas batok sa wala niya hingaling Japanese ug Mexican contenders.

Si Ancajas kinahanglan nga mohimo og laing mga impresibong title defense sa dili pa pangusgan ni Gibbons ang paghikay sa unification fight sa Pinoy champion batok ubang kampiyon sa iyang dibisyon. 

Damgo ni Ancajas nga  ikasangka sa usa ka unification bout ni Mexican star Juan Francisco Estrada nga maoy nagkupot sa WBC flyweight belt. 

Gikatakda ang away ni Ancajas sa bulan sa Marso sunod tuig.