Demecillo bag-ong WBO Asia-Pacific Youth champion
CEBU, Philippines – Si Carlo Demecillo mipahimulos og maayo sa taas niyang kasway ug mahait nga kombinasyon aron pildihon si Junrel Jimenez pinaagi sa majority decision ug sakmiton ang WBO Asia-Pacific Youth bantamweight title niadtong Miyerkules sa gabii didto sa Robinsons Galleria Cebu.
Samtang nagtabla ang duha sa scorecard ni judge Tony Pesons, 95-95, si judge Edgar Olalo mitali og 99-91 ug si judge Edward Ligas miiskor og 97-93 pulos pabor kang Demecillo hinungdan sa majority decision.
Kontrolado kaayo sa 23-anyos nga si Demecillo sa Big Yellow Boxing Gym ang away gikan sa pagsugod dayon na ngadto sa pag-inat niini sa iyang record ngadto sa 13-5-1 uban ang 6KOs.
Gawas niini, segurado nga mosaka sab ang world ratings ni Demecillo ubos sa WBO.
Sa iyang bahin, si Jimenez nga miaway ubos sa Chao Sy Stable, nadakin-as ngadto sa 8-2-1 uban ang 5KOs.
- Latest
