Champion import gikuha sa TNT

CEBU, Philippines – Sa pamasin nga matarung ang nagkaguliyang nilang kampaniya sa PBA Governors Cup, ang TNT KaTropa mikuha sa serbisyo sa kanhi champion import nga si Marqus Blakely.

Si Blakely kahinumduman nga nahimong import sa San Mig Coffee Mixers (karon Magnolia) diin gihatud niya ang koponan sa kampiyonato niadtong tuig 2013 ug 2014.

Ang KaTropa aduna karon rekord nga 2-4 ug duha na ka imports nga sila si Mike Glover ug Stacy Davis ang ilang gipapauli human wala sila makontento sa serbisyo niini.

Ang 29-anyos nga si Blakely kinsa miapil na sa team practice sa TNT, nagkanayon nga makatabang nga anad na siya sa PBA ug nagtuo siya nga lig-on ang TNT kung makuha lang nila ang saktong timpla sa ilang duwa.

"Nothing is different, only my jersey is different. I'm in the same mental state, same way I approach the game. As a professional and a hard worker, I think of ways how I'm gonna help my team and my teammates," matud pa ni Blakely sa Sports5."We're in a situation right now where we can turn things around and make a good run, put a couple of games together. We have the talent to do it."

Si Blakely adunay career average nga 22.6 points ug 14.9 rebounds. Midaog usab siya og Best Import award.