Arcilla, Alcantara mag-abot sa kampiyonato
(The Philippine Star) - January 13, 2016 - 9:00am

CEBU, Philippines - Ang top-seeded players nga sila si Johnny Arcilla ug Francis Casey ‘Nino’ Alcantara mipakgang sa tagsa-tagsa nila ka mga kontra aron paghatag og katumanan sa gidamgo nga championship match sa Cebu leg sa labing unang Peugeot Philippine Tennis Open kagahapon didto sa Cebu Country Club.

Si Arcilla yano ra kaayong mingmakmak ni Maercen Angelo Gonzales sa Ateneo de Manila, 6-0, 6-1, samtang si Alcantara mi-angkon sa laing luna sa kampiyonato human gitumba niini ang bugtong Sugbuanon nga nagbarog nga si Israel 'RJ" Abarquez, 7-6(5), 6-2 sa laing duwa sa semifinals.

Seguradong dumot nga engkuwentro ang mopasulabi tali nilang Arcilla ug Alcantara gumikan kay duna man silay angayan nga tiwason human magtabla sa duha lamang nila ka panag-abot sa miaging tuig. Si Arcilla gipilde ni Alcantara sa semifinal round sa Olivarez Cup didto sa kaulohan, apan si Arcilla nakabawos sa iyang karibal aron pagdominar sa Tuna Festival Tennis Open didto sa  General Santos City.

Sa women's open, ang pambato sa Sugbu nga si Hannah Grace Espinosa mi-abante ngadto sa final human gipalagpot si Macy Gonzales sa Manila, 6-1, 4-1.

Ikasangka ni Espinosa sa kampiyonato mao si Maricel Mirabueno sa Iligan City, nga mipakugang ni seeded no.3 Erika Manduriao, 2-6, 6-0, 6-4. (BANAT NEWS)

ARCILLA CEBU COUNTRY CLUB ERIKA MANDURIAO FRANCIS CASEY GENERAL SANTOS CITY HANNAH GRACE ESPINOSA ILIGAN CITY JOHNNY ARCILLA MACY GONZALES NGA SI ARCILLA
Philstar
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with