White, Luistro sumisid ng tig-3 ginto
MANILA, Philippines – Sumisid ng tig-tatlong gintong medalya sina Heather White ng British School of Manila at Trump Christian Luistro ng Hope Christian School-Legazpi upang pangunahan ang mga nagwagi sa 88th National Series - Inter-School/Inter-Club Motivational Yearender Swimming Meet na ginanap sa Diliman College swimming pool sa Quezon City.
Pinagreynahan ni White ang girls’ 8 years 100m Individual Medley sa bilis na 1:34.00 kasunod ang pagkopo ng ginto sa 25m butterfly (18.21) at 25m backstroke (20.40) habang namayagpag naman si Luistro sa boys’ 7 years 100m IM (1:47.51), 25m butterfly (20.96) at 25m backstroke (23.88).
Umarangkada rin sina Paula Carmela Cusing, Recz Edward Agustin, Angelica Mae Medrano, Genevive Zamora at Felice Alexis Reyes na humakot ng gintong medalya sa kani-kanilang dibisyon.
Nagpasiklab si Cusing sa girls’ 12 100m IM, 50m butterfly at 50m backstroke; nanaig si Agustin sa boys’ 14 100m IM, 50m butterfly at 50m backstroke; namayani si Medrano sa girls’ 15 100m IM, 50m butterfly at 50m backstroke; nagningning si Zamora sa girls’ 15-over 100m IM, 50m butterfly at 50m backstroke; at nanguna si Reyes sa girls’ 13 100m IM, 50m butterfly at 50m backstroke.
Nagwagi rin ng ginto sina Jamcela Del Valle, Krizelle Basilio, John Pasecion, Patrick Vidal, Andrew Lacorte, Tiffany Sanchez, Euleah Balili, Maria Fe Ebonite, Ivan Ferrer, Araz Baldazo, Prince Angeles, Edmundo Tolentino Jr., Karylle Ambata, Sofia Tumangday, Erin Pamiloza, Yvonne Edralin at Jayani Balutan.
Ang iba pang gold medallists ay sina Meynard Bautista, Arby Dela Cruz, Zachie Gallegos, Ajay Gabriel, Jericho Ramacho, Renaldo Salonga Jr., Bryan Leonida, Estelle Mendez, Nicole Espinosa, Quantreulle Wangkay, Jameela Del Valle, Calyn Batac, Rafael Escalona, Kyle Gruta, Iñigo Gigantone at Neal Dable.
- Latest
