^

PSN Palaro

AFAD sumusuporta sa PH shooters

Chris Co - Pilipino Star Ngayon
AFAD sumusuporta sa PH shooters
Sina AFAD vice president Edwin Ano (kaliwa) at president Aric Topacio.
Chris Co

MANILA, Philippines – Muling pinagtibay ng Association of Firearms and Ammunition Dealers of the Philippines (AFAD) ang matagal na nitong suporta sa Philippine national shooting team, kasabay ng pagkilala sa talento at mga tagumpay ng mga Pinoy shooter sa international competitions.

Isinusulong din ng asosasyon ang mga pagbabago sa polisiya upang mabigyan ang mga pambansang atleta ng mas malaking alokasyon ng bala na magagamit sa kanilang pagsasanay.

Ayon kay AFAD president Alaric “Aric” Topacio, matagal nang sumusuporta ang asosasyon at mga miyembro nito sa mga Pinoy shooter dahil sa kakayahan nilang makipagsabayan at mag-uwi ng mga medalya sa international competitions, partikular sa practical at speed shooting events.

“Pinupugayan ng AFAD ang Philippine Team. Kabilang ang mga Pinoy shooter sa pinakamahusay sa mundo. Palagi tayong nag-uuwi ng mga medalya sa international tournaments, partikular sa practical at speed shooting. May ilan sa aming mga miyembro na personal na sumusuporta sa mga shooter, ngunit bilang isang asosasyon, buong suporta ang AFAD sa Philippine Team sa abot ng aming makakaya,” pahayag ni Topacio.

Ang nakatatanda niyang kapatid na si Hagen ay miyembro ng national shotgun team at nakapag-uwi na ng maraming medalya sa Southeast Asian Games. Nagsilbi rin itong pangulo ng AFAD.

“Direkta man o hindi direkta, nagbibigay tayo ng suporta sa national team. Matagal nang responsibilidad iyan ng AFAD. Sa personal na paraan, kung may humihingi sa amin ng tulong, hindi rin namin sila tinatalikuran,” dagdag ni Topacio sa pagbubukas ng ikatlong yugto ng 32nd Defense and Sporting Arms Show (DSAS) nitong Miyerkules sa Megatrade Hall ng SM Megamall sa Mandaluyong City.

SHOOTING

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with