Pinoy netters-Pakistan maghahatawan na
MANILA, Philippines - Pilit na ipakikita ni PaÂtrick John Tierro ang maÂgandang epekto ng pagkaÂkapasok niya sa quarterfinals sa Olivarez Cup sa pagharap sa beteranong si Aqeel Khan sa pagsisiÂmula ng tatlong araw na Asia Oceana Zone Group II semifinals sa PCA Indoor clay courts sa Paco, Manila.
Unang laro ito ngayon sa ganap na alas-10 ng umaga at pagsisikapan ni Tierro na bigyan ang host Pilipinas ng mahalagang 1-0 karta sa best-of-five tie.
Makukumpleto ang opening singles sa pagkiÂkita nina Fil-Am Ruben Gonzales at baguhang si Samir Iftikhar na siyang ikaÂÂlawang laro.
Bukas gagawin ang doubles at nominado sina Fil-Am Treat Huey at Johnny Arcilla laban kina Khan at ang pambato sa doubles na si Aisam Qureshi na magsisimula sa ganap na ala-1 ng hapon.
Ang reversed singles ay itinakda sa Linggo at tapatan ito nina Gonzales-Khan at Tierro-Iftikhar.
Pero maaaring mabago ang mga manlalaro sa doubles at reversed doubles kung nanaisin ng mga team captains ng magkabilang koponan.
Taong 2009 ay nakaharap na ni Tierro si Khan at natalo siya sa straight sets sa reversed singles.
Ang mananalo sa tie ay aabante sa Finals sa Setyembre kalaban ang magwawagi sa pagitan ng Thailand at Kuwait.
- Latest