Bata-Django tandem sa World Cup

CEBU, Philippines - Mag-uban na usab ang duha ka pool legends nga sila si Efren ‘Bata’ Reyes ug Francisco ‘Django’ Bustamante sa World Cup of Pool nga sugdan sa Septiyembre 4 didto sa Robinsons Place Manila.

Laing Pinoy tandem nga musalmot sa torneyo mao sila si Dennis Orcullo kinsa makigpares ni Lee Van Corteza.

Lebanon maoy gipahimungtan

 Ang Lebanon ang nakatilaw sa kalagot sa Energen Pilipinas nga midaog, 80-69, sa consolation round sa 22nd FIBA Asia Under-18 Championships didto sa Mongolia.

Ang Pilipinas nakatilaw og sakit nga kapildehan batok sa South Korea niadtong Biyernes nga mipapas sa ilang kahigayunan nga musud sa semis.

Dapudong away alang sa IBO title

Manimpad ang Filipino flyweight nga si Edrin ‘The Sting’ Dapudong kinsa moaway alang sa IBO title batok ni Gideo Buthelezi didto sa South Africa.

Si Dapudong moaway kaniadto ni WBC champion Hernan Marquez kinsa mi-TKO kaniya sa third round didto sa Mexico.