CESAFI coaches magtigum karon

CEBU, Philippines - Tubagon karon sa mga coaches sa Cebu Schools Athletic Foundation Inc. (CESAFI) ang mga pangutana kalabot sa kahigayonan sa ilang teams sa umaabot 12th season sa liga nga buksan karong Hulyo 29 diha sa Cebu Coliseum.

Gidapit ang mga collegiate ug high school coaches sa usa ka press conference karong alas 2- sa hapon diha sa Linea Restobar sa dalan J.P. Morgan sa I.T. Park.

Mao kini ang gibutyag ni CESAFI commissioner Felix O. Tiukinhoy Jr. ngadto sa mga sakop sa local media sa miaging adlaw. Giawhag usab ni Tiukinhoy ang tanang sportswriters nga mokober sa CESAFI sa pagtambong sa presscon nga gipaluyohan sa Globe pinaagi ni Ms. Cleofe Alviso.

Matubag sa maong presscon ang kaandam sa mga teams ilabi na ngadto sa mga defending champions University of Cebu (UC) Webmasters ni coach Roel Gomez ug University of the visayas (UV) Baby Lancers ni coach Delfin Pepito Jr.  (BANAT SPORTS)