Mga fans modugok sa PCCL sa Ormoc

CEBU, Philippines -  Didto sa Omoc Superdome mahibaw-an ang duha ka teams nga maoy mo-abante sa Final Four alang sa 2011 Philippine Collegiate Champions League (PCCL) ug didto sab masaksihan sa mga Ormocanon nga mahiligon sa basketball kung kinsa gyud ang modaug sa rematch sa Cebu Schools Athletic Foundation, Inc. (CESAFI) champions University of Cebu (UC) Webmasters batok sa Southwestern University (SWU) Cobras kinsang best-of-five championship series mi-abot gyud og deciding Game 5 diha sa Cebu Coliseum nga gi-ila isip usa ka record kung attendance ang hisgotan.

Ang tawo nga nagdasok didto sa Cebu Coliseum mas labaw pa sa usa ka PBA bearing game ug ilang gi-antos ang kahagip-ot sa lugar ug kainit sa coliseum aron lang mosaksi kung kinsa nga team ang labing maayo sa CESAFI.

Nakakuha na og luna ang San Beda College (SBC) Red Lions isip NCAA champions ug ingon man usab ang Ateneo de Manila Blue University (ADMU) Blue Eagles isip UAAP champions.

Magtinagakay didto sa Ormoc ang duha ka lig-on sab nga NCAA teams ang runner-up San Sebastian College (SSC) Golden Stags ni coach Topeks Robinson ug usa sa ilang coaching staff Sugboanon ug siya si Egay Macaraya nga kanhi sab point guard sa PBA.Ilang ikasangka sa knockout match ang Colegio de San Juan de Letran (CSJL) Knights ni acting head coach Justino Pinta nga usa sab ka Bisaya tungod kay ang ilang head coach nga si Louie Alas tua man karon sa Estados Unidos kauban ang iyang anak si Kevin Alas nga mitambong og training camp.

Ang modaug tali sa San Sebastian ug Letran maoy ikaduha ug kataposang luna paga-ilogan posible sa UC batok SWU.

Apan kinahanglan unang modaug ang Webmasters batok sa STI Olympians, ang Mindanao leg champion gikan sa Cagayan de Oro kinsa mi-abante human ilang gipukan ang defending champion Jose Mari College (JMC) gikan sa Davao City.

Ugma mahibaw-an kung kinsay kontra sa Cobras ug kung sila ang modaug, mahitabo didto sa Ormoc ang UC-SWU Part 2 ug segurado akong dili gyud magmahay ang taga Ormoc niining duwa-a.

Didto sa Final Four sa Manila, ila nang gi-usab ang format gikan sa knockout system ngadto na sa single round robin ug ang teams nga mas daghang daog maoy mag-abot sa finals.

Bugtong Ateneo lang ang UAAP team nga mibarug diin tinguha nila nga mokulit og PCCL record isip maoy unang team nga modaug ug upat ka korona.

1st VICE MAYOR'S CUP. Malampusong ang pagbukas sa 1st Vice Mayor's Cup sa Mandaue nga usa sa labing dakung proyekto sa sports ni Vice-Mayor Glenn Bercede diin adunay 16 ka teams ang misalmot.

Gibuksan kini kagahapon sa 8:30 sa buntag didto sa Mandaue City Cultural and Sports Complex ug mikulit ang Los Amigos Basketball Association (LABA) og record isip maoy labing unang team nga midaug dihang ilang gilampurnas ang Sunday Club sa iskor, 84-72 apan mi-abot una ang biya og 21 puntos, 66-45 sa uwahing bahin sa third period.

Gipildi sad ang Best Muse ug ang Best Uniform. Ang singer ug kanhi artista sa CCTN Channel 47 nga si Myles Carcellar maoy gidapit isip entertainer.

Si Vice-Mayor Bercede kinsa amahan sa UC point guard nga si Francis Luigi Bercede, maoy chairman sa Mandaue City sports committee ug ang vice chairman mao si Konsehal Ben Basiga.

Wala makatambong sa opening si Mayor Jonas Cortes tungod kay may gitambongan siya nga kalihokan didto sa Sacred Heart-Ateneo de Cebu diin apil ang iyang anak. Ang ubang konsehal nga mitambong mao sila si Diosdado Suico, Jimmy Lumapas ug Jeric Mikhail Cuizon.

Miscellaneous. CONGRATS to my son Matt Erikson who placed second runner-up in the Hari ng Lapulapu 2011 pageant last November 22 at the Lapulapu City auditorium. At 17 years old, my son is the youngest of 16 participants. Of the 16 who made it to the pageant, there were eight of them chosen to the semifinals and from the group, only three stood up to the challenges and 13 of them were eliminated. Being it was his first time joining such contest, it was a great experience and exposure in his preparation for a bigger and more prestigious contest. Thanks to Petron Blaze shooter Dondon Hontiveros for his very early Christmas gift.  (BANAT NEWS)