UTASSCO naka-ipsot

CEBU, Philippines - Mikulit sa ilang ikatulong daog ang UTASSCO Utility pinaagi sa pagpilde sa Allyn & Sons, 110-106 ug aron sab magsolo sa liderato sa Power Forty Christmas League didto sa Inayawan Sports Complex.

 Mirakrak og 43 puntos si Johan Capala aron pangulohan ang UTASSCO, samtang sila si Alex Mercado, Jun Tantay ug Atty. Flor Yosores mihimo sab og double figures.

Ang Allyn & Sons gipangulohan ni Joel Cañete, kinsa miburak og 35 puntos, gisundan ni Gideon Bughao nga adunay 32 puntos.

Sa laing duwa, ang Park N' Go Bakeshop mihaon sab og daog batok sa Water Market sa iskor nga 97-95 sa pagpangulo ni Michael Arias, kinsa mibugha og 42 puntos. Sila si Tata Pestaño ug Alex Albaño misansan og 17 ug 12 puntos matag usa.

Sa ikaduhang higayon, si Edwin Dejacto nagmangtas diin mihakot kini og 24 puntos   alang sa Water Market. 

Sa sayo pa,   si Fernando Sumargo miratsada og 31 puntos, samtang si Melvin Caumera mikambiya og 24 aron pangulohan ang Van System.

Sila si Teddy Ebardo ug Dodong Pieza maoy topscorers sa FC Fortune nga parehong mi-iskor og 20 puntos, samtang ang team owner nga si Chino Kalinga miamot og 13 puntos.

PUNTOS MATAG USA

Unang duwa:

Van System (112) - Sumargo 31, Caumeran 24, Cabaluna 17, Nacario 15, Genzon 12, Cabatas 9, Gabuya 4

FC Fortune (74) - Ebrado 20, Piezas 20, Kalinga 13, Fuentes 8, Mapait 4, Navales 4, Lim 2, Mosqueda 2

Ikaduhang duwa:

Park N' Go ( 97) - Arias 42, Pestaño 17, Albaño 12, Echavez 8, Rama 8, Abasolo 6, Filospo 2

Water Market (95) - Dejacto 24, Ungria 17, Dela Rama 12, Mabalcon 12, Eleguin 11, Nacional 10, Dumale 3, Flordeliza 2, Labajo 2, Dacalos 2

Ikatulong duwa:

UTASSCO (110) - Capala 43, Mercado 17, Tantay 15, Yosores 13, Yu 6, Yosores 5, Cabrera 5

Allyn & Sons (106) - Cañete 35, Bughao 32, Moniva 19, Sandal 12, Tabar 6, Cañedo 2  (BANAT SPORTS)