Guba-Perales tandem nanghawod sa Baseline Double Darts tourney

CEBU, Philippines - Mipatigbabaw ang tandem nilang Arnel Guba ug Jerome Perales sa tibuok kompetisyon aron maghari sa Baseline 37th Anniversary Open Doubles Darts Tournament diha sa Baseline Sports and Recreation Center, ning siyudad.

Sila si Guba ug Perales miangkon sa titulo human nila mapuhali ang katakus sa beteranong players nga sila si Arvic Recaña ug Roy Laude.

Sila si Alvin Villa ug Wennie Abella maoy miangkon sa ikatulo nga dapit human ilang gipilde ang tandem nilang Alan Bejuna ug Yoko Quillope.

Human nidominar sa Yayoy's Grill Octobeerfest dartfest, si Odong Pamatian napunta ngadto sa ikalima nga dapit ug ning higayona uban sa iyang pares nga si Stephen Cavan.

Mikompleto sa top eight placers mao sila si Jun Navales ug Boy Campugan, Delay Baltonado ug Jerous Ponce ug Gil Arco ug Nonon Aguilar.