^

PSN Palaro

Ginebra pinaghahandaan TNT sa semis series

Russell Cadayona - Pilipino Star Ngayon
Ginebra pinaghahandaan TNT sa semis series
Ito ay sa kabila ng pag­­­hahanda ni Gin Kings head coach Tim Cone sa Gilas Pilipinas na sasabak sa 2027 FIBA World Cup Asian Qualifiers.
PBA IMAGE

MANILA, Philippines — Dire-diretso ang prepa­rasyon ng Barangay Ginebra para sa kanilang best-of-five semifinals series ng karibal at nagdedepensang TNT Tropang 5G sa Season 50 PBA Governors’ Cup.

Ito ay sa kabila ng pag­­­hahanda ni Gin Kings head coach Tim Cone sa Gilas Pilipinas na sasabak sa 2027 FIBA World Cup Asian Qualifiers.

Muli nilang makakasagupa sa semis showdown si Tropang 5G import Rondae Hollis-Jefferson.

“Obviously, we know how good he (Hollis-Jefferson) is, how great the team (TNT) is,” sabi ni Cone sa three-time PBA Best Import.

Sa likod ni RHJ, winalis ng TNT ang Magnolia, 3-0, sa kanilang best-of-five quarterfinal duel, habang ti­­nakasan ng Ginebra ang San Miguel, 3-2, sa sarili ni­lang serye para magtuos sa semis na magsisimula sa Disyembre 4 sa Ninoy Aquino Stadium sa Malate, Manila.

“We know how well they’re playing. They swept Mag­nolia off the floor. Three easy wins,” sabi ni Cone sa ko­ponan ni mentor Chot Re­yes.

“We couldn’t have pick a tougher opponent. We had San Miguel, and now we’re going through TNT,” dagdag ng two-time PBA Grand Slam champion coach

Tinalo ni Hollis-Jefferson at ng Tropang 5G ang Gin Kings, 4-2, sa kanilang best-of-seven championship series para pagharian ang Season 49 PBA Go­ver­nors’ Cup.

Maghaharap naman sa isa pang semis series ang NLEX at Converge.

Sinibak ng Road Warriors ang Phoenix Fuel Masters, 3-0, habang pina­talsik ng FiberXers ang Rain or Shine Elasto Pain­ters, 3-1, sa kani-kanilang quar­terfinal matches.

“I can’t imagine we’re here right now, but there’s still so much work to be done to be able to get into the next level,” wika ni Converge guard Alec Stockton sa pagsagupa nila sa NLEX sa semis.

SPORTS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with