Barraquias, Abarquez mi-abante sunod hugna

CEBU, Philippines - Miabante sa second round sila si Keane Barraquias ug RJ Abarquez human midaog batok sa tagsa-tagsa nila ka mga kaatbang sa 3rd Mayor Jonas Cortes Tennis Cup didto sa Mandaue City Tennis Club.

Migamit sa iyang kasinatian si Barraquias aron pagpilde ni Ravi Patil, 10-0, samtang ang taga-Mandaue nga si Edwin Abarquez mipukan ni Edwin Bacarias, 10-4 sa unang hugna sa eliminasyon.

Midaog sab si Babao Tiongko batok ni Bryan Kintarin, 7-5, samtang gipakuratan ni Larry Antigua ang lig-on niyang kontra nga si Fritz Satera, 10-6. Si Kenneth Abadia mipukan ni Ben Doy, 10-1, sila si James Dumoran, Niño Siso ug Oswaldo Dumoran miabante sa second round pinaagi sa defaults. – BANAT NEWS