43-puntos ni Ginobili tumalo sa Magic
SAN ANTONIO--Magiging isang free agent si Manu Ginobili.
Maaaring ang kanyang presyo ay tataas base sa kanyang inilalaro.
Umiskor si Ginobili ng season-high 43 puntos, ang kanyang pang apat na 30-plus game matapos palitan si Tony Parker sa starting lineup noong Marso, para igiya ang San Antonio Spurs sa 112-100 panalo kontra Orlando Magic.
Nagdagdag naman si Tim Duncan ng 23 marka para sa Spurs.
Ang koponang uupo sa No. 8 ang siyang makakalaban ng nagdedepensang Los Angeles Lakers sa first-round playoff.
Ang Orlando ang ikatlong division leader na tinalo ng Spurs sa nakaraang pitong araw.
Ang unang dalawa ay ang Cleveland at Boston.
Hindi pa nakakasikwat ng playoff berth ang Spurs.
Sa Boston, nagtala si Luis Scola ng 27 puntos at 11 rebounds, kumunekta rin ito ng back-to-back basket sa huling 81 segundo sa overtime upang pamunuan ang Houston Rockets sa 119-114 panalo laban sa Celtics.
Sa Charlotte, North Carolina, tumapos si Stephen Jackson ng 32 puntos at tumirada ng go-a head 3-pointer sa huling bahagi ng overtime upang pamunuan ang Charlotte Bobcats sa 87-86 paglusot laban sa Milwaukee Bucks sa overtime game.
- Latest
- Trending