Pinoy martial arts player silver at bronze palang ang nakukuha

BANGKOK--Naging mailap ang ikalawang gold medal ngunit bigay todo pa rin ang Team Philippines na nanalo ng karagdagang bronze at silver medal sa 1st Asian Martial Arts Games kahapon sa Huamark Indoor Stadium dito.

Nag-ambag si Jul-Omar Abdulhakim sa medal harvest sa pagkopo ng silver medal sa men’s class B (50-55-kg) cate-gory ng pencak silat matapos ang 0-5 pagkatalo sa Luftan Budi Sanyosa ng Indonesia.

Nag-ambag din ang kanyang mga kasamang sina Marie Charilou Rabino at Joemil Solomon ng bronze medal sa kani-kanilang divisions.

Dinomina ni Rabino ang women’s class D (60-65-kg) category habang maganda rnaman ang tinapos ni Solomon sa men’s class D (65-70-kg) category.

Nakakuha rin ng bronze ang Muay artist na si May Libao sa women’s light flyweight class upang ibigay sa Philippines ang fifth bronze medal matapos manalo ng taekwondo gold si Jeffrey Figueroa noong Martes.

Ngunit nalaglag ang Philippines, na may isang gold, dalawang silver at limang bronze medals, sa 14th spot ng 41-nation tourney dahil sa pagsulong ng Southeast Asian Games rival Malaysia, Uzbekistan, India at ang ginigyerang Afghanistan na nasa 10th place na may dalawang gold, isang silver at apat na bronze medals.

Sa pagkabigo ni Abdulhakim sa gold medal, inaasahan naman sina Marna Pabillore ng karate, Zaidy Laruan ng muay at Mark Ediva ng wushu.

Tinalo ni Pabillore si Minh Phung Nguyen ng Vietnam, 4-3, para makapasok sa semifinals ng women’s kumite 55-kg gayundin si Mark Ediva, na nanaig kay Rinat Livensho ng Kazakhstan, 2-0, sa men’s sanshou 55-kg.

Kinakalaban pa ni Laruan si 2007 SEA Games titlist Kwangkhwang Weerapol ng Thailand sa finals.

 Ang Finals sa karatedo at wushu ay nakatakda kahapon at ang closing ceremonies ng una at huling Martial Arts Games ay gaganapin bukas. Ang tournament ay isasama na sa Asian Indoor Games sa 2013.