Mga langyaw'ng boksidor mohimo'g public preview
Gipahibalo ni ALA Promotions vice president for events Dennis Cañete nga ang mga langyaw nga boksidor gikan sa
Kini gituyo aron ang publiko makasaksi sa ilang abilidad ug ingon man mahimamat sila sa personal.
Ang tulo mao sila si Indonesian Heri Andrianto, si UBO bantamweight champion Nick 'Black Sugar' Otieno sa Kenya ug Tanzanian Professional Boxing Commission champion Rashid Ally nga pulos na niabot dinhi sa Sugbu kagahapon.
Gawas nga mag-workout, ang publiko hatagan sab og higayon nga magpa-picture kanila ug ingon man mangutana sa kon unsay gusto nilang mahibaw-an kabahin sa umaabot nilang mga away.
Si Otieno makigtige ni IBF Intercontinental flyweight champion Z 'The Dream' Gorres sa main event sa maong eksplosibong promosyon karong Sabado diha sa Pacific Grand Ballroom sa Waterfront-Cebu City Hotel and Casino sa Brgy. Lahug.
Si Ally moharong sab batok ni kanhi WBC flyweight champion Malcolm 'Eagle Eye' Tuñacao, kinsa mibalik og pamuksing human sa 16 ka bulan nga pahulay.
Samtang si Andriyanto makigharong sa bag-ong kaplag nga talento sa ALA Stable nga si Jason Pagara, 16-anyos alang sa WBO Youth lightweight championship.
Ang "One More Time" card gipasiugdahan sa ALA Promotions inabagan sa Waterfront Cebu City Hotel and Casino, City Government of Cebu, Y101 ug Big Mao-Crossroads.
Ang mga tiket mapalit sa ALA Gym BTC (416-2011), Islands Souvenirs Ayala (231-2581) ug SM City Cebu (232-1906) ug Bisaya Ispisyal Ayala (231-2376) ug SM City Cebu (232-0610).
Daghan pa unyang mga tiket ang ibaligya sa Waterfront lobby sa gabii sa away.
- Latest
- Trending
