Central Visayas mihakot 3 golds sa Palaro
- Bot Glorioso, Yoyo R. Abayan () - April 23, 2008 - 12:00am

Mikabkab og laing tulo ka bulawan ang mga atleta sa Central Visayas sa ikaduhang adlaw sa 2008 Palarong Pambansa kagahapon didto sa Puerto Princesa, Palawan.

Unang bulawan nga nakuha sa Central Visayas nagagikan sa arnis luyo sa paningkamot ni Joshua Paracuelles sa University of Cebu (UC).

Mipakita siya og impresibong labok aron paghari sa individual identical doubles weapon sa iyang  90.6 puntos.

Didto sa Ramon V. Mitra Jr. Sports Complex, laing atleta gikan sa UC nga si Irin Baluran, mitunol og ikaduhang bulawan sa Central Visayas pinaagi pagdominar sa women's triple jump nga adunay distansiya nga 11.78 meters nga mibuak sa iyang personal best record nga 11.08 meters nga iyang natala sa miaging tuig nga Palaro.

Sa swimming, si Loren Dale Echavez mitunol og laing bulawan sa Central Visayas  human manghawod sa secondary girls 400m freestyle event. Iyang gitapos ang langoy sud lang sa upat ka minutos ug 48.2 segundos.

Segurado na sab nga modaog og labing menos upat ka silvers ang Central Visayas dihang sila si Niño Siso, Israel Abarquez, Larry Antigua ug Francis Largo miabante sa final round sa secondary boys lawn tennis event.

Sa laing bahin, ang managsuong Ticag midaog sa ilang unang duwa sa boxing competition. Si Celestino Ticag midaog pinaagi sa Referee-Stop-Contest sa ikaduhang hugna, samtang si Ruben mipa-surrender sa iyang kaatbang sa ikatulong hugna.

Gipukan sab sa Central Visayas ang Zamboanga Peninsula sa sepak takraw, apan ang Central Visayas boys volleyball squad naparot ngadto sa Zamboanga, 18-25, 25-19, 27-25.

CENTRAL CENTRAL VISAYAS FRANCIS LARGO IRIN BALURAN ISRAEL ABARQUEZ PLACE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with