Batang Pier nagniningning sa unahan

Naging kampante ang defending champion Har-bour Centre sa freethrow line na kanilang napaki-nabangan sa huling maiinit na sandali ng labanan upang kunin ang 83-79 panalo kontra sa Burger King sa pag-usad ng PBL Unity Cup sa Olivarez Sports Centre kahapon.

Bukod sa nakabawi ang mga Batang Pier sa kanilang 77-81 pagkatalo sa Burger Whoppers na siyang tanging tumalo sa kanila sa unang round, sumulong sa ikaanim na sunod na tagumpay ang Harbour Centre na lalong nagpaningning sa kanila sa liderato.  

Ang Batang Pier ay nagtala ng impresibong 27-of-34 freethrow shooting kabilang ang 6-of-6 sa huling 1:18 minuto ng labanan.

Nasayang ang 15 puntos na abante ng Whoppers na lumasap ng kanilang ikatlong sunod na kabiguan.

Sa ikalawang laro, nakopo ng Henkel Sista ang 82-70 panalo kontra sa Toyota-Balintawaksa overtime para sa ikaapat na sunod na panalo mata-pos ang 0-4 simula.