Magandang panimula, susundan ng Dazz at Cebuana Lhuillier

Sundan ang magandang simula ang pakay ng Dazz ‘Sang Patak at Cebuana Lhuillier sa pakikipagharap sa magkahiwalay na kalaban sa pag-usad ng 2007 PBL Unity Cup na dadako sa The Arena sa San Juan para sa triplebill ngayon.

Pambungad na laban ang sagupaan ng Moneymen sa Henkel-Sista sa alas-12:00 ng tanghali na susundan ng laban ng pakikipagsagupa ng Kitchen Specialists sa defending champion Harbour Centre sa alas-2:00 ng hapon.

Masama ang simula ng Batang Pier sa kanilang kampanya para sa ikatlong sunod na titulo matapos ang 77-81 pagkatalo sa Burger King na siyang nasa liderato ngayon taglay ang malinis na 2-0 record.

Nakabuntot ang Cebuana at Dazz na may 1-0 record habang pare-parehong 0-1 ang Moneymen, Harbour Centre, Toyota Balintawak, San Miguel-Magnolia at Henkel-Sista.

Sa ikatlong laro, hangad naman ng Beverage Masters at ng Road Kings na makabawi sa kani-kanilang pagkatalo at makapasok sa win column. (Mae Balbuena)