Magbilyar ta!

Billiard Federation Champions

Adunay mga magbabasa niining lindog nga may interes sa pagtuki bahin sa kasaysayan. Una na niini ang atong texter nga nanag-iya sa cellphone numbe 0906-9755010. Ganahan kaayo siyang manginsayod bahin sa kasaysayan sa dulang billiard, ang usa sa labing sikat nga disiplina sa sports karong panahona.

Ang iyang text nagkanayon: "Good day. Gusto kong masayod about sa mga champion sa Billiard Federation of USA sukad 1968 hangtod 1988. Thanks."

Salamat usab sa imong text. Ang Billiard Federation of USA nagtali og mabulokong anib sa kasaysayan sa billiard sport sukad sa 1968 hangtod sa 1988. Kining maong torneyo usa sa labing prestihiyoso didto sa Estados Unidos. May sanction kini sa Billiard Congress of America (BCA).

Sumala sa nahitala, si Allen Gilbert maoy nahimong kampiyon sa 1968. Ang iyang kadaugan maoy giisip nga labing mabulokon sa kasaysayan sa Billiard Federation of USA. Pagka 1969, mibanos kaniya sa trono si Bill Hynes.

Sa tuig 1970, nakasulod si Allen Gilbert sa finals ug siya na usab ang gipasidunggan nga kampiyon. Nagmalampuson usab siya sa pagdepensa sa iyang titulo batok ni Hynes sa 1971.

Si Eddie Robin maoy nagkampiyon sa 1972. Sa 1973, si John Bonner ang gipasidunggan nga kampiyon sa Billiard Federation. Sa 1974, si Frank Torres maoy migulang kampiyon. Sa 1975 nakuha pagbalik ni Bonner ang titulo sa kampiyonato.

Sa 1976, si George Ashby ang nahimong kampiyon. Sa 1977 mihimo og surpresa si Allen Gilbert. Wala damha ang paghisulod niya sa finals sa maong tuig ug wala gayod siya kapugngi sa higpit niyang karibal sa titulo. Siya ang migulang kampiyon sa nahisgutang tuig.

Sa 1978, human sa upat ka tuig nga pagpakahilom, nakuha pagbalik ni Frank Torres ang titulo sa kampiyonato. Sa 1979, tapos sa pito ka tuig usab nga pagpakahilom, mibalik usab si Eddie Robin paglingkod sa trono sa usa ka kampiyon.

Sa 1980, si Harry Sims ang nahimong kampiyon sa Billiard Federation. Sa 1981, si George Ashby na usab ang nahimong kampiyon. Sa 1982, gipasidunggan nga kampiyon sa nahisgutang torneyo si Carlos Hallon. Sa 1983, human sa duha ka tuig nga pagpakahilom, mibalik paglingkod sa trono sa kampiyonato si Harry Sims.

Sa 1984, tangkod nga duha ka tuig sa iyang pagpakahilom, nakuha pagbalik ni George Ashby ang titulo sa kampiyonato. SA 1985, si Frank Torres ang nigulang kampiyon. Si Carlos Hallon ang kampiyon sa 1986. Sa 1987 ug 1988 mihimo si Allen Gilbert og back-to-back nga kadaugan sa kampiyonato. Sumada-total, duha ka back-to-back championship ang nadag-an ni Gilbert, sa 1970-71 ug 1987-88.

* * *

(Text sa 0910-8105522)