Gatus nagpasiklab

Nagtala ang veteran campaigner na si Edmundo Gatus ng sorpresang panalo kontra National Master Robert Suelo Jr., noong Martes ng gabi upang manatili sa liderato kasama ang No. 5 National Master Ronald Llavanes habang nagpatuloy ang upset sa third round ng Codiñera Memorial Chess Championships’ open section na ginaganap sa 3rd Flr., ng J & F Divino Bldg., na matatagpuan sa #967 Aurora Blvd., malapit sa Anonas St. Quezon City.

Naglaro na hawak ang mga itim na piyesa, ginamit ni Gatus ang Noah Ark trap sa Ruy Lopez opening upang magwagi ang bishop sa 10th move, subalit kinailangan niya ng 70 sulungan bago niya tuluyang natalo si Suelo.

Ang panalo ay nagkaloob kay Gatus ng ikatlong sunod na puntos matapos ang three rounds na paglalaro upang makasalo sa liderato.