Administrasiyong Marcos bastos

Tungod sa grabing pang-abuso niining administrasiyong Marcos ngadto sa atong katawhan (walay labot mga oligarch, kinsa maoy iyang kaanib), giukab kog balik ang panid sa 1987 Constitution of the Republic of the Philippines – ‘Preamble’. Ug ania kini:

“We, the sovereign Filipino people, imploring the aid of the Almighty God, in order to build a just and humane society and establish a Government that shall embody our ideals and aspirations, promote the common good, conserve and develop our patrimony, and secure to ourselves and posterity, the blessings of independence and democracy under the rule of law and a regime of truth, justice, freedom, love, equality and peace, do ordain and promulgate this Constitution.”

Wala kalikayi ang pagpanindog sa akong balhibo, ang pagkagisi sa akong kahiladman ug ang pagpanglugmaw sa akong mga mata samtang nagbasa sa ‘letra por letra’, ‘pulong por pulong’ ug ‘linya por linya’, sanglit kining Batakang Balaod nga sagradong gihuptan nato matag usa ka Pilipino, wala na man gayod irespeto niining pagpamunoan ni Presidente Bongbong Marcos (PBBM).

Usab, himatikdan! Kutob sa mainstream media nga dili kaantigo motago diha sa pagpanibya bahin sa mga nangalisbong baho sa mga binuhatan sa pamilyang Marcos ug sa iyang administrasiyon, pangitaan nilag mga daotang pamaagi aron mapahilom.

Ug kon dili mosunod sa unsay ilang gusto, tamnan nila kini bisag unsang matang sa mga pasangil, diin ibaliwala lamang ang mga lehitimong pamahayag sa mga hingtungdang media, kinsa ilang imbestigahon diha sa Kongreso ug Senado aron lamang pakaulawan sama sa ilang gibuhat sa SMNI.

Lakip ‘Abril 14, 2024 Tagum City Maisug-Defend-the-Flag Peace Rally’, gusto pang pugngan sa administrasiyong Marcos. Ang Davao del Norteng Governor Edwin Hubahib, kinsa miaprobar niini, gihatagag 60-day-preventive-suspension. Unya mi-attempt pa ang gisugong alipores nga isira ang Davao City airports ug gikuhaan pag koriyente ang naasoyng dapit, diin nianang pagka-gabii napuno ang sports complex sa 100,000 kapin ka pro-good governance supporters, kinsa daw mihatag og pasidaan, nga sa sunod kuno, ang EDSA ground nay ilahang pun-on.

Kini agig paabot sa ilang mensahe ngadto ni PBBM. Diin, sila giluod na kaayo sa dinad-an niini ug sa iyang administrasiyon. Sanglit, naghinobra na kabastos!

Mahilot-pawong pa kaha kining ilang pagdilaab?