Summit ug Protesta
Nahuman na ang tulo ka adlaw nga 49th Association of Southeast Asian Nation (ASEAN) Summit. Naa pa ba kahay nahabilin sa P22.9 bilyones nga gigahin sa nasudnong kagamhanan gikan sa iyang panudlanan alang sa tulo ka adlaw nga pagbisita ug pagtigum sa mga pangulo sa kanasuran nga sakop sa ASEAN ug mga dinapit sama ni US President Donald Trump.
Kun ugaling nahurot man ang P22.9 bilyones sulod lamang sa tulo ka adlaw, maingon nato nga galante gyod ta nga mogasto para sa atong mga bisita, kana ha kun walay misimang sa maong kantidad sa salapi ngadto sa bulsa sa mga bag-angan nga buaya nga nagluko sa bugnaw nilang opisina.
* * *
Bisan sa hangyo sa Malakanyang ngadto sa mga progresibong grupo nga dili magprotesta atol sa tulo ka adlaw nga summit, wala gyod sila maminaw, nagptotesta gyod sila. Resulta dunay nangabunog ug mga napriso.
Sa dakbayan sa Sugbo miinit ang ulo sa mga polis ug rallyista kay wala motuman sa ilang sabot ang mga rallyista. Ang Police Deputy for Operation nga si Col. Pelare miingon nga nagsabot na silang daan sa rallyista nga dili magsunog atol sa rally apan wala kini tumana sa mga rallyista.
Ilang gisunog ang dagway ni US4 President Donald Trump ug ila pa kining gisugnorÿan sa q g ilang mga posters. Gipapawong sa polis sa taga disaster ang kayo gamit angÿÿ fire extinguiisher apan giilog kini sa mga nagprotesta. Resulta, kaguliyang.
Nganong dili man pod motuman og sabot? Ngano man pod nga gidili man sa polis ang pagsunog nga unta kanunay naman nga gihimo sa mga rallyista ang pagsunog? Tungod seguro sa Super El Nino.
Kinahanglan baya ta nga magdahinot sa tubig. Simbako modako ang kayo, manawag napod og bombero. Sa laing bahi, nganong ang nawong ra man sa Presidente sa Amerika nga si Donald Trump ang gisunog? Nganong wala man nila sunoga og apil ang dagway sa Presidente sa China nga nagsige og pangilog sa atong teritoryo sa dagat? Isip-isip.
- Latest



















