^

Banat Opinyon

Mora'g hibi-hibi ang presyo

BALITAHOM - Atty. Jose Marie N. Poblete - Banat

Adunay napalgan nga 114 ka gas station nga wala mosunod sa gimando sa gobiyerno nga price adjustment sa mga fuel products base sa gipahigayon nga inspection sa Department of Energy (DOE).  Usa sa mga rason ngano’ng wala motuman ang mga gas station mao nga mahal pa kuno ang komprada nila sa gasolina mao nga dili sila makatuman gilayon sa big-time rollback.  Dakong tinonto kini’ng rason sa mga gas station owners kay kon adunay itugot nga pagpasaka sa presyo sa gasolina, ipatuman man nila kini nila dayon. Mao kana’y giingon nga, “Ang presyo sa gasolina sama sa tanom nga “hibi-hibi” (makahiya), dali kaayo mokiyu-os kon matandugan apan dugay mobuka inig kahuman.” Muleeng!

Lisod pagkuha’g Visa

Tungod sa travel restrictions nga gipatuman sa Amerika, diin nakahimo kini’g kalisod sa pagkuha og travel visa, ang mga representante sa Miss Universe pageant sa nasud sa Zambia, Angola, Republic of Congo ug South Sudan, dili na lang sila mosalmot 2026 Miss Universe pageant.    Matud pa bitaw, “Sa pagkuha og visa, kinahanglan nga ipamatuod nimo nga aduna kay maanindot, hamugaway ug haruhay nga kinabuhi dinhi sa ato aron mahatagan ka’g pagtugot nga temporaryo’ng biyaan una nimo kini”. Madahaan!

Nagmika na lang

Segun sa pagtoon sa World Health Organization (WHO), gibana-bana nga 40% sa mga teenager sa Pilipinas dili na physically active.  Sa ato pa diay, nagmika lang ang 40% sa mga batan-on ug walay gibuhat nga mapuslanon sulod sa matag semana.   Mora’g dako’ng hinungdan niini ang pagkagumon sa mga teenager sa celfone diin sagad dili na masugo kay magpunay na lang kini og yampongad sa gadget.  Matud pa sa usa ka ginikanan, “Ang kabataan karon kon imong sangpiton, dili makadungog, kon imong sugo-on, dili mokihol.  Mao nga kon gusto nako sila’ng storyahon, ako na lang sila tawagan sa celfone aron motubag.”  Fezteleern!

Naglaum nga mokiha

Naglaum ang kagamhanan sa dakbayan sa Sugbo nga legal nga aksyon ang maka-resolbar sa suliran kabahin sa bayronon sa dakbayan ngadto sa Prime Integrated Waste Solutions Inc. (PrimeWaste).  Giangkon sa dakbayan nga balido ang gitingingil sa PrimeWaste nga P130 million nga bayronon apan tungod sa kakulang sa supporting documents dili kini mahimong i-process.  Tungod niini, uyon ang dakbayan nga mokiha ang PrimeWaste aron legal kini nga mabayran.  Matud pa sa usa ka city hall observer, “Kon adunay “kidnap me” modus, aduna sab diay “sue me” modus aron dili mosango sa COA ang bayad.”  Pagka-braayt!

“Rob and sell”

Mag-atubang na og hugot nga regulasyon ang mga junk shops, scrap dealers ug buyers sa Mandaue City kon mapalabang na ang ordinansa nga magpugong sa pagbaligya og mga kinawat nga kabtangan sa gobyerno ingon ug sa mga public utilities.  Dugay na nga suliran kining pagpangawat sa mga butang nga makabalda sa serbisyo sa kagamhanan kon hilabtan.  Makapahinumdom sa usa ka junk shop owner nga mitug-an nga, “Sa una, lehitimo’ng ‘nag-buy and sell’ ra ang akong mga customer, apan karon, aduna na’y “nag-rob and sell.”  Pagkatoytoy!

FUEL

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with