Mahalagang payo sa may TB

1.Ang sintomas ng TB ay pag-ubo, pamamayat, pagkapagod, lagnat sa hapon, pawisin sa gabi at walang ganang kumain. Kung may sintomas nito o kung may kasama sa bahay na may TB, kumunsulta na sa doktor.

2. Huwag manghawa ng ibang tao. Sundin ang payo ng doktor at inumin ang gamot ng anim o siyam na buwan. Kapag hindi nagpagamot ang pasyenteng may TB, malamang mahawa rin ang lahat ng kasama niya sa bahay, lalo ang mga bata.

3. Manatili sa bahay sa unang 3 linggo ng gamutan. Huwag munang pumasok sa eskwelahan o trabaho. Ang iyong plema at laway ay puwedeng makahawa sa iba.

4. Buksan ang bintana sa kuwarto. Huwag muna makisama sa iba sa loob ng tatlong linggo.

5. Takpan ang bibig ng tissue kapag umuubo. Itapon ang tissue sa basurahan.

6. Kung gusto mong lumabas ng bahay, puwede kang magsuot ng face mask.

7. Mahalaga na tapusin ang anim o siyam buwan na gamutan para sa TB. Huwag ititigil ito nang walang pahintulot ng doktor.

8. Sumunod sa healthy lifestyle at umiwas sa bisyo. Kumain ng masustansya.

9. Maging positibo sa iyong pananaw. Ituloy ang mga gawain at hobbies.

10. Pagkatapos ng gamutan, malaki ang tsansang gagaling na sa TB.