Proseso sa pag-usab

Gisugdan na sa paglantogi sa plenaryo sa kongreso kagahapong adlawa ang Resolution of Both Houses (RBH) Numero 7. Kining mao nga resolution nagatinguha nga usbon ang mga ekonomikanhong provisions sa 1987 nga Batakang Balaud. Gilantogian sa plenaryo ang taho sa Committee of the Whole. Ang Committee of the Whole nag endorso kini sa pagtugot sa resolution nga walay pag usab.

Mao kini ang asoy ni Senior Deputy Speaker ug Kongresista sa ikatulo nga Distrito sa Pampanga Aurelio “Dong” Gonzales Jr. 

Ang lantogi sa plenaryo gipaabot nga mubo lamang kini ug ang RBH Numero 7 gikatakda nga mauyonan ug maaprobahan na kini sa adlaw nga Miyerkules, Marso 13, 2024. Ang plano mao nga lantogian ang resolution sulod sa tulo ka adlaw diin ang boto sa ikaduha nga pagbasa himoon dayon human sa lantogi dugang pa ni Kongresista Gonzales Jr.

Sa ikatulo ug kataposan nga pagbasa ug pag-aprobar, si Gonzales nagkanayon nga ang Ubos Balay Balauranan pabilin sa orihinal niini nga timeline sa dili pa o hangtod sa Holy Week break unya sa Marso 23.

Sa miaging Miyerkules, ang Committee of the Whole sa Ubos Balay Balauranan miaprobar sa RBH 7 human sa pito ka adlaw nga pagdungog.

Ang RBH 7 hapit ra kini masusama sa RBH Numero 6 nga gipangamahanan nila ni Senate President Juan Miguel Zubiri, mga Senador Loren Legarda ug Juan Edgardo Angara sa Senado.

Ang duha ka resolution giulohan kini og “A Resolution of Both Houses of Congress proposing amendmanents to certain economic provisions of the 1987 Constitution of the Republic of the Philippines, particularly on Articles XII, XIV, ug XVI.”

Ang RBH 7 nagsugyot nga isuksok ang phrase “unless otherwise provided by law,” nga maghatag og gahum sa Kongreso sa paglibkas o paghinayhinay sa kasamtangang mga gidili sa ekonomikanhong provisions sa Batakang Balaud ug idugang ang qualifier nga “basic” sa Article XIV.”

Kun ugaling magkasabot ang Kongreso sa pag-usab gayod sa Batakang Balaud, makaseguro gyod kaha ta nga ang ekonomikanhon lang nga provision ang ilang usbon?