Barangay election i-postpone na pud?

Sa atong pagsulat nini, wala pa kitay klaro nga kasayuran kon iuswag na ba usab ang Barangay ug SK elections, o ipadayon ba kini karong December 5.

Of course, ganahan kaayo ang opisyales sa mga barangay ug sa SK.

Ang katapusan nga eleksiyon sa mga opisyales sa barangay ug sa SK, gihimo sa niaging Mayo 2018, mag-eleksiyon na pud unta sa Mayo 2020, apan giuswag kini sa Kongreso ngadto sa unang semana sa December 2022.

Hayahaya nila no? Gikan sa 2018 ngadto sa 2022 ang ilang paghupot sa gahum.

Lima ka tuig, ug kon mauswag kini pag-usab (wa ta kahibawo hangtud kanus-a), mosamot ang ilang pagkahayahay ug kalipay.

Apan, ang taga-barangay, ug ang mga batan-on, unsa man malipay ba usab sila?

Kining tanan, mag-agad sa mosunod nga Kongreso ... sa 19th Congress.

Apan, si  Rep. Martin Romualdez, ang House Majority Leader, ang top contender nga mahimong Speaker, namahayag nga usa sa iya unyang mga priorities sa 19th Congress mao ang pagpauswag sa barangay ug SK elections. Moy gidangat! Ato kutluon kining napatik sa Philippine Star: “House Majority Leader Martin Romualdez, the top contender to become the chamber’s next speaker, has said that among his legislative priorities in the 19th Congress is to heed the call of barangay leaders to postpone the village polls and save some P8.141 billion for cash aid to those still reeling from the effects of the pandemic.”

Nindot paminawon ang tuyo ni Romualdez. Tiaw moy P8.141 billion ang atong ma-save.

Apan, wan a bay laing kakuhaan sa fundo, pananglitan ang mga buhis nga kubrahunon?

Ug aron seguro nga maka-save kita’g daku kaayo, dili na lang eleksiyunon ang mga barangay ug SK officials. I-appoint na lang sila. Mangita na lang og mga paagi kon kinsa ang mo-appoint kanila, basta dili ang Mayor ug Gobernador. Lisud no?

Anyway, dunay grupo, ginganlan og Legal Network for Truthful Elections, nag-petition sa umaabot nga 19th Congress sa dili pag-uswag sa barangay ug SK elections, Matud nila, long-overdue ang maong duha ka eleksiyon.

“Delaying the village and youth polls is an ‘attack against grassroots democracy and community power.’ This delay contravenes the standard of periodic elections as provided in Article 21 of the Universal Declaration of Human Rights.

Although the pandemic response should be a top priority, this endeavor should not have collided with the citizen’s basic right to elect barangay and SK leaders,” nagkanayon ang grupo.

Sa tinguha nga maka-save kita’g pondo, ug samtang nag-atubang pa kita sa pandemic crisis, dili nato i-sacrifice ang basic nga katungod sa mga lungsoranon pagpili sa ilang mga opisyales sa barangay ug sa SK.

Nakita sa maong grupo nga ang barangay ug SK polls ‘as the most attainable level of organic citizens’ participation in public service and governance,’ as opposed to the recently concluded national and local elections which ended up being dominated by political dynasties.”

Ikaw, unsay imong think? Unsa may mas advantageous, ipadayon o i-uswag ba ang maong mga eleksiyon?

Hinuon, maunsa man ang imong hunahuna o opinion, sila man didto sa Kongreso ang final say, ug igo lang tang motuman.