Nag-atubang og reklamong unjust vexation
Dear Atty. Divine,
Ang akong igsuon gipasakaan og reklamong Unjust Vexation sa among silingan. As of now, naa pa sa barangay level ang reklamo. Kun pananglit di sila ma settle sa barangay, unsay sunod nga mahitabo niini? Unsa man diay ning Unjust Vexation nga case og unsay silot kun mapamatud-an? Daghang salamat. —Junjie
Dear Junjie,
Ang crime nga Unjust Vexation gibasi kana sa second paragraph sa Article 287 sa Revised Penal Code. Medyo broad kon lapad kini og kahulugan ug kini naglakip sa bisan unsang binuhatan sa usa ka tawo nga nakapalagot, nakasamok ug nakahasol sa laing inosenteng tawo. Busa ang basihan niini kun ang gihimo sa tawo miresulta ba og annoyance, irritation, distress or disturbance sa laing tawo. Ang silot kun mapamatud-an mao ang arresto menor kon pagkabilanggo sud sa usa ka adlaw ngadto sa 30 ka adlaw ug multa gikan sa usa ka libo ka pesos ngadto sa P40 mil depende sa gibug-aton sa reklamo. Thanks and God bless. — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest