Ang panahom

Ang panahom sa akong anak nga si Hennah Marie mahitungod sa pagsugat sa bag-ong tuig.

Ang bag-ong tuig ang usa sa mga gipaabot sa kadaghanan sa mga tawo.

Saba ang palibot tungod sa mga paboto ug mga torotot nga gigamit sa mga tawo.

Daghan pod ang nag-andam og pagkaon para sa ilang medya noche, apil na niini kadtong mga walay kaya nga naningkamot nga makabotang og pagkaon sa ilang talad kan-anan alang sa pagsugat sa bag-ong tuig.

Bag-ong tuig, bag-ong kinabuhi mao kini ang pirmi natong madungog sa medya, sa kalsada ug kabag-an sa mga tawo apil na niini ang pipila sa atong mga higala.

Tungod kay bag-ong tuig daghan na pod ang naghimo sa ilang mga New Year’s Resolution.

Ako, ikaw, kitang tanan misaad og  New Year’s Resolution pero ang pangutana mabuhat ba kini nato? Mabuhat ba god sa usa ka tawo ang pagbag-o sa ilang kinabuhi?

Bisan bag-ong tuig na, naa gihapon tay madunggan nga balita sa medya nga nadakpan tungod sa paggamit ug pagbaligya og gidili nga druga.

Tungod niini, makapangutana ta nganong wa man moundang ning mga tawhana sa paggamit ug pagbaligya og gidili nga druga.

Di ba pwede ning mga tawhana nga himoong New Year’s Resolution ang pag-undang sa gidili nga drugas?

Ang tubag, puwede kun aduna lamang siyay disipilina.

Ako nagtuo nga kun ang tawo aduna lamay disiplina sa iyang kaugalingon, moundang na siya sa paggamit ug pagtinda sa gidili nga druga.

Hinaut pa unta nga ning bag-ong tuig, mabuhat unta sa mga tawo ang ilang gisaad nga New Year’s Resolution. Magbag-o kita para sa kaayuhan sa atong kaugalingon, sa atong isig ka tawo ug para sa atong nasud.

Dili pod unta nato kalimtan ang pag-ampo sa kahitas-an nga hatagan kita og kalipay ug daghang oportunidad sa atong kinabuhi ning tuig 2019. Kaninyong tanan, Happy New Year!