EDITORYAL - Ang isyu pagpatipi kang GMA
() - December 4, 2011 - 12:00am

Ang pasangil sa kampo ni GMA nga ipapatay sa kasamtangang administrasyon ang kanhi pamuno nasud angay bayang sutaon pag-ayo basin kun tinuod kini.

Kay kun tinuod ni, delikado kaayo ang kahimtang ni GMA kun ipakuot siya sulod sa St. Luke Medical Center.

Sa maong nadiskobreng plano di usab ta makasiguro kun di ba kaha ni panurambaw lang, basin kun taga kampo ra ni GMA ang may plano unya adto ipahid sa administrasyon.

Busa tungod ning maong isyu, angay isiguro sa Malacañang ang pagprotiher sa kinabuhi ni GMA kay kun tinuod nga mga tawo ra sa administrasyon ang nagplano , aw si PNoy maoy siguradong pasanginlan nga maoy utok sa tanan   kun madisgrasya ang kanhi pamuno nasud.

Mao ra gihapon kun ang taga kampo ra ni GMA maoy nagplano nga motipi, unya di gyud hisakpan, anha lang gihapon ihan-ok kang PNoy ang pasangil.

Gumikan niini kinahanglang agad sa desisyon sa korte, angay timbang-timbangon kun asa ang lugar karong panahona nga labing luwas si GMA , kun mosaler ang hospital arrest unya anha ra siya ipabilin sa St Luke, pastilan pila ra may gapa kaha sa mga sikyu diha ug pila ka guwardiyang polis kun ang    killer mogamit og mga sophisticated nga mga paagi sa pagtipi kang GMA

Unya kun molampos man gyud, lisud kaayo nimong matumbok nga puro gikan kang PNoy ang maong mando kay usa ka bukas nga lugar para sa tanan ang maong hospital.

Susama ra gihapon kun ibutang siya sa house arrest, nga kumo kay bukas alang sa tanan ang ilang balay mahimo ra gihapong unayon siya sa iyang kaalyado ug lisud kaayong katuohan nga puro gikan kang PNoy ang mando.

Ang lugar diin di gyud makaipsot si PNoy sa usa ka dakong obligasyon kun unsay mahitabo sa kinabuhi ni GMA, way lain gawas sa Veterans Memorial Medical Center kay iya kana sa goberno ug kun madisgrasya ang kinabuhi sa kanhi pamuno nasud gumikan sa pagtipi, aw way laing matulisok kundi si PNoy. Di ba?

BUSA GMA GUMIKAN KUN MALACA MEMORIAL MEDICAL CENTER ST LUKE ST. LUKE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with