Mga diktador

Sa iyang mga diskurso kaniadto diin ang target niya mao si Presidente Marcos, si kanhi Senator Ninoy Aquino kanunay magpahinumdom nga walay diktador nga miluntad sa puwesto hangtud sa hangtud.

* * *

Suma pang Ninoy, kadaghanan sa mga diktador mangamatay sa kamatayon nga mapait uyamot. Naay mangamatay sa kamot sa mga tawo nga ilang gidaug-daug.

* * *

Si Adolf Hitler ang mabangis nga diktador sa Alemanya, naghikog. Ug sa dayon na niyang hunos sa iyang kinabuhi, si Hitler nabuang una.

* * *

Sa bag-ong kasaysayan sa kalibutan, duha ka diktador sa nagkadaiyang nasud kinsa mihari-hari sa mao nilang nasud sa dugay’ng panahon, nangamatay sa makauuwaw nga paagi.

* * *

Si Saddam Hussein ang gitawag nga “Tyrant Of Iraq” kinsa mipanamastamas sa iyang nasud ug mga katawhan niini sa kapin sa 30 ka tuig, gitaktak sa iyang katungdanan sa mga Iraqi.

* * *

Gigukod siya sa mga masuk-anong Iraqi nga buot manimalos kahiya. Mitago kini sa usa ka lungag sa yuta nga murag ilaga.

* * *

Dili pa lang dugay si Moammar Gadhafi sa Libya, natagak usab human nakigrebelde kaniya ang mga tawo nga iyang gidaugdaug sud sa kapin sa 40 ka tuig.

* * *

Nisuway siya og dagan ug tago apan nasakpan gihapon sa mga rebelde sud sa sewer kon imbornal nga labing hugaw.

* * *

Nagpakilooy: “Don’t shoot. Don’t kill me.” Mihangyo siya. Apan naimpas gumikan sa mga samad nga iyang naangkon.

* * *

TRIVIA -- Greetings diha sa atong mga higala sa Ormoc City. Thank you sa inyong walay hunong nga suporta sa Banat News.