EDITORYAL - Kun buhi pa si Jose Rizal

Saulogon sa makausa pa sa nasud nga Pilipinhon ang Rizal Day kon adlaw ni Rizal. Usa kini ka dakong piyesta opisyal diin ang mga birtud sa atong National Hero hatagan og pokus sa maong kasaulogan.

Si Rizal mao kadtong misulti sa iyang dakong pagrespeto ug pagsalig sa atong kabatan-onan. Gani siya miingon nga ang atong mga kabataan maoy paglaum sa atong nasud.

Kun buhi pa karon si Rizal unsa kahay iyang ikasulti sa atong kabatan-onan kinsa iyang gitawag og “hope of the fatherland”

Daghang kabataan ang nahisalaag, misimang og dan diin adto kini mipadung sa dapit nga dili maoy handum ni Rizal nga ilang padulngan.

Kun ania pa si Rizal karon, way duhaduha nga siya molingo-lingo sa iyang ulo isip pagpakitag pagmahay sa kabatan-onan karon.