Pahigmata
Kaniadtong Sabado upat ang patay ug unom ang angol sa mga empleyado sa Methaphil nga nagtrabaho sa Tsuneshi Warehouse didto sa Barangay Buwanoy sa lungsod sa Balamban human kini maapil sa pagkatagak sa trusses nga ila untang gipalig-on. Ang maong hitabo nakapahinumdom kanato niadtong hitabo sa Sheraton Hotel diha kilid sa SM City diin aduna usay nangamatay nga mga construction workers human kini mangatagak sa pipila ka andanang edipisyo nga ilang gitrabaho. Tungod sa maong hitabo ang Department of Labor and Employment nagkarag-karag sa pagpahigayon og imbestigasyon aron masuta kun wa ba magpabaya ang contractor ug sub-contractor sa kaluwas sa ilang mga empleyado. Nasuta sa gihimo nilang imbestigasyon nga mga daan ug mga ginamit na diay ang gipangpatungan nga scaffolding sa mga empleyadong nangahagbong sa taas nga bahin sa Hotel. Ang hitabo kaniadtong Sabado didto sa Tsuneshi nakapakarag na upod kaha sa mga opisyal sa atong departamento sa pamoo?
Dinhi sa Sugbu ubay-ubay nang mga tag-as nga edipisyo ang nanubo ug daghang mga construction workers ang mga nagtrabaho niini. Nakahuna-huna kaha ang atong departamento sa pamoo sa pagsuta sa kaluwasan sa pangempleyo niining maong mga empleyado? Nasuroy na kaha sa mga imbestigador ug inspector sa Dole ang tanang mga gipangtukod nga edipisyo dinhi sa Sugbu aron ilang masuta kun gisubay ba sa mga contractor niini ang mga patakaran ug ang mga gikinahanglan sa luwas nga pagpangempleyo? Manghinaot lang ko nga ang nahitabo sa Balamban kaniadtong miaging semana nakapahigmata na unta sa mga taga Dole kon nangatulog man ugaling kini sa ilang trabaho.
Lain na usab ang biktima sa pagpanulis ug pagpatay kaniadtong Biyernes diin ang biktima mao ang Varsity player sa duwang basketball sa University of the Visayas nga nailhan sa pangalan nga Lucky Pitogo. Si Pitogo gipusil sa iyang ulo sa
Sa mga bag-ong abogado Congratulations ug Congratulations diay usab sa akong mga anak nga pulos nakadawat og mga special awards.
- Latest
- Trending
