Starting salary
Mibati kog kaluoy samtang nagpalandong sa estado sa pagpanarbaho sa atong texter. Dili nako ma-imagine kun giunsa sa pag-survive niya sa suweldo nga kuwang na lag diyotay kun dili pangayoon ang iyang kahago.
Grabe na man sab kining maong Taiwanese company. Mora man og walay common sense ang nagdumala niini. Siyaro na man sab kun wala siya’y kasayoran kalabot sa minimum wage dinhi sa ato. Grabeha na man sab kun wala gyud niya hunahunaa kun mabuhi ba ang iyang mga trabahante sa suweldo nga iyang gihatag ngadto kanila.
Akong awhag ngadto sa atong texter nga kun may kahigayonan, pangitag laing trabaho nga maarang-arang ang suweldo. Wala gyud kay kaugmaon kun magpabilin ka nianang maong trabaho nga ikaw ray gial-alan sa imong employer.
* **
“Please, kusog kaayo ang drugas sa among dapit, brgy. Tutay, Pinamungajan. Bisan ulan gidugok lang gihapon. BR ni sa Pinamungajan.” -- 0905-8621530 (Sent:05:22:26pm-- October 31, 2007)
Sa akong pagsulat niini, natapos na ang SK ug barangay elections. Akong awhagon ang nasublian ug bag-ong nangapili (kun aduna) nga mga barangay opisyal sa Tutay sa pag-counter check niining taho nga gipadangat sa usa ka texter.
Kamo man gyud ang mas nasuheto sa inyong lugar, mamalihog lang ko ninyo sa pagsangon sa inyong mga abaga niining maong responsibilidad pagseguro nga malinawon ang inyong dapit ug matawag unta nga drug-free. Nindot ron nga ipakitag labok labina nga bag-o lang mong midaog sa miaging piliay. Lami kaayong ikapakapa kun lab-as pa ang kadaogan, dili ba?
Busa, aksiyon!
* * *
(Sumbong ug reklamo? Text sa 0910-8105522)
- Latest
- Trending
