Nganong wa apila sa kaso si Ebdane
AMBOT LANG - AMBOT LANG Ni Gerry Auxilio () - March 22, 2007 - 12:00am
Si magpapatigayon Cris Saavedra mipasaka og kasong Plunder ngadto sa Sandiganbayan batok nila ni Mayor Teddy Ouano sa Mandaue City ug sa mga opisyal sa Department of Public Works and Highways nga sila si Director Roberto Lala, Assistant Director Marlina Alviso ug uban pa kini gumikan gihapon sa gipaburot nga prisyo sa mga decorative lamp post ug street lights nga gipanggamit atol sa 12th Asean Summit kaniadtong miaging Enero ning tuiga.

Ang kasong plunder mao kini ang pagaatubangon niadtong opisyal sa atong gobyerno kinsa makasapi og 50 milyones ka pesos o kapin tungod sa mga transactions nga gisudlan niini. Ang plunder aduna kini silot nga kamatayon o pagkabilanggo sa tibook kinabuhi sa akusado kon ugaling kini mapamatud-an nga sad-an. Mao kini karon ang kaso nga giatubang ni Erap, Jinggoy ug Atong Ang. Hinoon si Ang gikonbikto na sa kaso nga giatubang human siya moangkon sa kasong Corrupting Public Official. Wa na pod hinooy masilotan og kamatayon karon kay giwagtang naman kini sa atong gobyerno.

Nganong wala man apila ni magpapatigayon Cris Saavedra sa pagpasaka og kasong Plunder si kanhi DPWH Secretary Hermogenes Ebdane? Iyang tubag, wa kunoy igong ebidensiya nga magtumbok ni Ebdane nga apil sa pagpanulis sa salapi sa katawhan. Ngano ugod tawong walay ebidensiya nga maglambigit ni Ebdane? Si Ebdane mao ang nagtugot sa pagpagawas sa pundo sa proyekto, siya ang adunay control. Bisan man tood kon ibutang ta nga ministerial lang ang trabaho ni Ebdane, siyaro naman pod og wa gyod makakita ang iyang opisina sa kadagko sa prisyo sa mga decorative lamp post ug street lights? Dili bag-o sa DPWH ang maong proyekto busa dili ko motoo nga wa makabantay si Ebdane sa pagburot sa prisyo sa nahisgutang proyekto. Kon tuyo pa sa DPWH ang pagpanalipod sa salapi sa katawhan, gi-question na unta niini ang Program of Works and Estimates nga gisumeter sa Mandaue City Government gumikan sa kadako niini (tag 50 mil pesos kada usa ka poste ) pero, ina kay ilang questionon gipadak-an man hinoon kini ngadto sa pila ka pilo? Ang gisumeter sa Mandaue City government estimates lang busa dili pa kini pinal, mao man gani nga miburot pa kini pag abot sa DPWH. Ubos sa command responsibility dili makalihay si Ebdane sa gipaburot nga proyekto busa angayan siya nga apilon sa pagpasaka og kasong plunder. Mao na nga awhag nako ni magpapatigayon Cris Saavedra apila sa pagpasaka og kasong plunder si kanhi DPWH Secretary Hermogenes Ebdane aron dili masabot sa mga makasabot nga aduna kay gipaburan sa mga angayan gayod nga pasakaan og kaso gumikan sa pagpanulis sa salapi sa katawhan.
* * *
Super Gerry uso naman sa San Isidro, Talisay City pamaligya batan-on babaye sa casa mga ginikanan mismo mobaligya sa casa sa Lapu-Lapu. Naa sab sindikato mga batanon gipatrabaho casa sa Lapu-Lapu foreigner sagad customer taga San Isidro, Talisay City mga biktima. Nanete

ASEAN SUMMIT CRIS SAAVEDRA EBDANE KINI MANDAUE CITY SAN ISIDRO SECRETARY HERMOGENES EBDANE TALISAY CITY
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with