Kahulugan sa paggamit ng panyo

MARAMI pa akong natutuhan sa nayon at kabilang dito ang kahulugan sa paggamit ng panyo.

Narito at basahin ninyo.

• Ihaplos ang panyo sa labi – gusto kong makipagsulatan.

• Ihaplos sa mata – ako ay nalulungkot.

• Ihaplos sa kaliwang kamay – Kinapupootan kita.

• Ihaplos sa mukha – gusto kong makipagkaibigan.

• Ihaplos sa dalawang pisngi – iniibig kita.

• Ihaplos sa kaliwang pisngi – hindi

• Ihaplos sa kanang pisngi – oo

• Ihaplos ang panyo sa balikat – sundan mo ako sa aking paroroonan.

• Ihaplos sa dalawang mata – wala kang kaawa-awa sa akin.

• Itupi ang panyo – gusto kong makipag-usap sa iyo.

• Pilipitin mo ang panyo sa pamamagitan ng dalawang kamay – pawalang halaga sa isang bagay.

• Pilipitin sa kaliwang kamay – ayaw kong makialam sa iyo.

• Pilipitin sa kanang kamay – mayroon akong ibang napupusuan.

• Ibuhol sa hintuturo – mayroon na akong kasintahan.

• Ibuhol sa palasingsingan – ako ay mayroon ng asawa.