108 dayuhang observers sabak sa BARMM polls
MANILA, Philippines — Umaabot sa 108 internasyonal na mga observers ang nag-oobserba ngayong Lunes (Sept 14) para sa kauna-unahang Bangsamoro Autonomous Region in Muslim Mindanao (BARMM) Parliamentary elections (BPE).
Ayon kay Office of the Presidential Adviser Peace Reconciliation and Unity (OPAPRU) Peace Adviser Secretary Mel Senen Sarmiento, ang 108 dayuhang nasyonal ay kakatawan sa mahigit 12 dosenang internasyonal na organisasyon at delegasyon na nais masaksihan ang makasaysayang eleksiyon sa Mindanao.
“The first Bangsamoro parliamentary elections are a historic milestone in the Bangsamoro peace process. The presence of our international observers is a clear vote of confidence in the electoral process,” pahayag ni Sarmiento. Kabilang sa mga nagpapartisipang delegasyon ay mula sa mga Embahada ng Palestine, China, Australia, Japan; The Asia Foundation, European Union-Coordinated Diplomacy, Worldwide Lawyers Association (WOLAS), International Republican Institute, Third Party Monitoring Team, Asian Network for Free Elections and National Democratic Institute (ANFREL/NDI) at iba pa. Ang pinakamalaking delegasyon ay mula sa ANFREL/NDI na may 22 observers na sinusundan ng 17 obserbers ng Japanese Embassy.
- Latest
