5 pulis huli sa ‘no helmet’ policy
MANILA, Philippines - Limang pulis Maynila ang hindi nakaligtas sa paniniket ng Manila Traffic and Parking Bureau (MTPB) matapos na masita dahil sa kawalan ng helmet habang nagmomotorsiklo.
Kinilala ang mga pulis na sina PO1s Daniel Ellazar, Ranel Bautista, Jun Bernardo at isang GallarÂdo na pawang nakatalaga sa MPD station 1 at PO3 Emerson Fernandez ng MPD station 5.
Ayon kay MTPB Director Carter Don Logica, ang pagkakasita sa mga pulis ay indikasyon lamang na walang kinikiliÂngan ang mga traffic enforcers alinsunod na rin sa kampanya at kautusan ni Manila Vice Mayor Isko Moreno na hulihin ang lahat ng lumalabag sa batas trapiko.
Paliwanag ni Logica, ipinatutupad lamang ng lungsod ang Republic Act 10054, o mas kilala bilang Motorcycle Helmet Act of 2009. Anya, ginagawa niya ito para rin sa kaligtasan ng mga motorista.
Samantala, umabot na sa halos P13 milyon ang koleksiyon ng MTPB sa loob lamang ng dalawang linggo.
Mas makabubuti kung susunod na lamang sa batas trapiko ang mga motorista upang maiwaÂsan ang paghihintay ng halos pitong oras sa pagtubos lamang ng lisensiya.
- Latest