Biktima ng salvage, natagpuan sa QC

MANILA, Philippines - Isang bangkay ng lalaki na pinaniniwalaang biktima ng salvage ang natagpuan sa loob ng isang sako na itinapon sa bakanteng lote sa North Fairview sa Quezon City kahapon ng umaga.

Inilarawan lamang ang biktima sa suot nitong brown pants at asul na t-shirt, itim na sapatos, puting medyas at tinatayang nasa 25-30 anyos, medium built, ma­­puti, 5’2” ang taas at ma­ra­ming tattoo sa kata­wan kung saan naka-­­ta­ttoo sa kaliwang dibdib nito ang pangalan ng TV broad­caster na si Bernadette Sembrano habang sa ka­ nang dibdib naman ay B-Weaver, May Rose, Kris Sword at sa likuran  ay pa­ngalan ng PAO Chief Atty. Persida Rueda Acosta at sa ibabang ba­ywang naman­ nito sa likuran ay nakatatak ang homicide.

Dakong alas-5:45 ng umaga nang matagpuan ang biktima sa kahabaan ng Auburn kanto ng Aynor St., North Fairview subdivision, Brgy. North Fairview, Quezon City .

Nagtamo nang mara­ming tama ng bala sa ibat-ibang parte ng katawan ang biktima.