P150-M pirated VCD, nasamsam

Tinatayang aabot sa P150 milyong halaga ng pirated video compact discs at audio compact discs ang nakumpiska ng mga tauhan ng PNP-Criminal Investigation and Detection Group (CIDG) sa Quiapo, Manila.

Isinagawa ang operasyon sa tulong ng WPD at NCR Regional Mobile Group sa Muslim barter trade sa Quiapo, Manila dala ang search warrant na ipinalabas ni Judge Alfredo Flores ng Pasig RTC branch 167. Sinabi ng pulisya na wala nang inabutang tao ng salakayin ang naturang lugar. (Ulat ni Danilo Garcia)