Si Tisay
Sugilanon - Gally T. Sayson / Barangay Busay, Nivel Hills,Cebu City 6000 () - June 7, 2010 - 12:00am

Unsa! Nangulitawo kang Tisay? Misuna si Nang Trining sa iyang anak nga si Fredo. “Ngano man diay, Ma?” “Bisan kinsa lang ang laki nianang iyang inahan.” “Unsa may labot niya sa mga laki sa iyang inahan?”

“Asa man paingon, di pareho na siya sa iyang inahan.”

“Buotan man na si Tisay, Ma,” milaban si Fredo. “Daghan man gani ang nangulitawo niya sa opisina namo apan wa gyud nay gisugot.”

Managkauban sa opisina si Fredo ug si Elisa nga gitawag nila’g Tisay sanglit mestisa kini kay anak sa Amerikano. Sa akong tan-aw ug paniid, buotan nga pagka-babaye si Tisay ug dili kini palasuroy kay anaa lang kini kanunay sa ilang tindahan. Nag-abli na lang si Aling Nene og tindahan sukad nga namauli na sa Amerika ang mga Amerikano.

Bisan pa niini, wala kawad-i og parukyano si Aling Nene ug kanunay kining may kauban nga laki. Mao kini ang gihimong sumsoman sa mga tabian sa ilang lugar. Mao usab kini ang hinungdan nganong hapit na lang dili mogawas si Tisay sa ilang balay kay maulaw nga maapil sa tabi-tabi.

“Ma, ayaw na gud og sige’g lakaw kay maulaw ko sa mga tabi-tabi.”

“Oy, Elisa! Ayaw ko’g sultihi niana, ha! Wa ta baya ka pasagdi.”

Sukad niadto, kanunay nang maghinuktok si Tisay. Usa ka higayon didto sa ilang opisina, wala na makapugong si Fredo ug nangutana kini sa dalaga.

“Eli, ayaw lang ikasuko, apan buot lang akong masayod nganong magul-anon kaayo ka karong pila ka adlaw nga miagi?”

“Mo-resign tingali ko, Fred kay moadto ko’s Manila.”

“Unsa may tuyo nimo didto?”

“Adto ba lang ko mangita og trabaho kay di na ko makaantos dinhi ug halos wa na mi tingganay si Mama Nene.”

“Kun may mopugong nimo, magpapugong ka?”

“Kinsa man?”

“Ako.”

“Depende lang unya na Fred, kun may mahimo ka.”

Milabay pa ang pila ka adlaw, “Oy, Fred,” matud sa usa ka higala, “suod man gyud mo si Tisay, ako mang hisugatan padulong sa airport moadto kuno siya sa Manila, ngano man?”

“O, sige, akong apason,” dayong sakay ni Fredo og taksi. Hiabtan pa niya si Tisay nga milinya kay mokuha na og ticket.

“Eli, kadiyot lang kay may isulti lang ko nimo.”

Mibulag si Tisay sa linya, “unsa may imong isulti?”

“Ingon ka man nga depende lang kun may mahimo ko aron ka kapugngan, di ba?”

“Kun ingnon ta ka nga mangadto ta sa Manila ug adto ta didto magpakasal, mosugot ka?”

“Sus! Alfredo, kadugay na nakong hulat nianang imong gisulti, karon lang nimo malitok. Oo, sa tanang oras,” dayong gakos ni Tisay kang Fredo. (Kataposan)

ALING NENE AMERIKANO FREDO KAY LANG MAN TISAY UNSA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with