Pamilya ni Rustom namakak?

Kon daghan ang nakadayeg kang Rustom Padilla gumikan sa iyang maisogon nga pag-angkon nga bayot siya ubay-ubay usab ang nagduda sa tinud-anay nga gibati sa iyang igsuon nga si Robin ug inahan nga si Mommy Eva Padilla.

Ang tinubdan sa PangMasa nga katabang sa mga Padilla namahayag nga nakugang ang mga kabanay ni Rustom gumikan sa mao niya nga pag-angkon atubangan sa minilyon ka mga tawo nga nagtan-aw niya sa telebisyon.

"Nagulat sina Mommy Eva (Carino) kasi siyempre sa tv 'yun. Pero siyempre, nu'ng interbyuhin sila sabi niya, okey lang at iginalang niya ang sinabi ni Rustom at hindi siya galit. Pero ang totoo, nagalit siya kasi bakit kailangan pang ilabas sa tv 'yun."

Matud pa sa maong katabang nga bisan si action star bad boy Robin Padilla nakalitan usab sa gibuhat ni Rustom ug wala makauyon sa maong pagbutyag.

Apan dugang pa niya nga wala nalang ipakita ni Robin ang iyang pagkakugang ang wala niya paghikaoyon sa dihang nahinabi ni Star Patroller Mario Dumaual atol sa nakalabay nga Guillermo Mendoza awards night.

"Actually, matagal na namang alam nina Robin 'yun kay Rustom, siyempre kapatid niya 'yun, iginagalang niya, sana lang daw, hindi na lang inamin kasi nga tiyak na paglalaruan na naman sa media ang isyu,' dugang pamahayag pa sa katabang.

Apan ang mga kabayotan didto sa kauluhan wala na makurat sa gihimo ni Rustom sanglit hagbay ra sila nga mituo nga sa pagpuyo sa aktor sa Bahay ni Kuya adto gayud niya ipahungaw ang tinood niya nga pagbati.

Samtang dugang taho sa PangMasa mao nga dunay nagpadala og text message sa ex-wife ni Rustom nga si Carmina Villaroel aron pangayuan og reaksyon apan matud pa wala magpakabana ang TV host.

Suma pa nga namahayag si Carmina nga dili na siya muluwat og komentaryo tungod kay dili siya buot nga mag-apil apil pa sa kagubot.

Giklaro hinoon sa mga himantayon nga maayo na ang relasyon nila ni Rustom ug Carmina ug nag-istoryahanay ug nagtinagdanay na gani sila pag-usab.

Gani gikatakda diay unta nga dunay one on one interview si Carmina sa kanhi niya bana nga ipakita unta sa programang "Sis" sa GMA-7 apan wala mahinayon tungod kay dunay mga mibabag.