^

PM Sports

RC Cola-Army, F2 Logistics makikigulo sa liderato

Pang-masa

MANILA, Philippines – Makapuwersa ng 3-way tie sa pangingibabaw ang tatangkain ng mga koponang  RC Cola-Army at F2 Logistics sa pagsabak nila sa magkahiwalay na laban ngayong  hapon sa  2016 Philippine Superliga (PSL) All-Filipino Conference women’s volleyball tournament sa  Cuneta Astrodome.

Makakasagupa ng  Lady Troopers ang Standard Insurance-Navy sa tampok na laban ganap na alas-6:00  ng gabi habang makakaharap naman ng  Cargo Movers ang Generika ganap na alas-4:00 ng hapon.

Kasalukuyang magkasalo ang RC Cola-Army at F2 Logistics sa ikala-wang puwesto hawak ang kartadang 2-0 panalo-talo kasunod ng reigning champion na Petron na angat ng isang panalo kasunod ng straight sets win sa  Cignal noong Martes ng gabi, 25-14, 25-13, 25-27.

Matapos ang unang dalawang panalo kontra sa Amy’s at Cignal, naniniwala si coach Kungfu Reyes na naibalik na ng Lady Troopers ang kanilang fighting form.

“So far I like what I’m seeing,” ani Reyes. “Our attacks are getting stronger, our defense is getting tighter. I like where we are now and I like where we’re headed.”

Ngunit hindi naman puwedeng magkumpiyansa dahil tiyak namang magsisikap ang Corvettes na makopo ang una nilang panalo sa pangunguna nina Pau Soriano, Nori Jane Diaz at Lilet Mabbayad.

“We’re very familiar with Army. We just have to match their intensity if we want to pull an upset,” ani Standard Insurance-Navy coach Nene Ybanez-Chavez.

Samantala, pormal na iaanunsiyo ni PSL president Ramon “Tats” Suzara ang unang dalawa sa pitong mga lokal  na manlalaro na magiging bahagi ng koponan ng bansa na sasabak sa  FIVB Women’s World Club Championship sa Manila sa Oktubre 18 -23.

Gagawin ang anunsiyo sa center court sa pagitan ng una at ikalawang laro na katatampukan ng pagbibigay ng golden ticket na magsisilbing imbitasyon ng liga para sa hamon na harapin ang walo sa pinakamagagaling na club teams sa buong mundo.

May kabuuang  24 na  PSL stars ang nag-tryout noong weekend para sa pitong slots sa koponan kung saan sasamahan sila ng pitong imports mula sa mga  powerhouse countries na gaya ng  Brazil, Italy at Japan.

Maglalaban-laban para sa prestihiyosong torneo ang Hisamitsu Springs ng Japan, Rexona Ades ng Brazil, Pomi Casalmaggiore ng  Italy, Bangkok Glass ng Thailand, Eczacibasi Vitra at VakifBank ng Turkey, Volero Zurich ng Switzerland at ang PSL All-Star team. (FML)

 

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with