Magkaibang lagda ni VP Sara, kinumpirma ng OVP aide

MANILA, Philippines — Magkaiba ang lagda ni Vice President Sara Duterte sa dalawang dokumento na may kinalaman sa confidential funds ng pangalawang pangulo.

Ito ang kinumpirma ni OVP Assistant Chief of Staff Lemuel Ortonio sa pagharap nito sa ika-18 araw ng impeachment trial at ipinunto ni Presiding Officer Francis “Chiz” Escudero na ang lagda ni Duterte sa isang dokumento noong Setyembre 16, 2022 ay iba sa lagda nito sa request letter para sa confidential funds noong Agosto 22, 2022.

“The court noticed, that he signature of the vice president in this [September 16, 2022] document appears to be different [from] the signature in the August 22 document. So the vice president has at least two signatures, so far. Can you confirm that both are her signatures?” tanong ni Escudero.

Kinumpirma naman ni Ortonio na ang dalawang lagda ay parehong kay Duterte.

“Yes, I can confirm, Your Honor, that both are the signatures of the vice president,” ani Ortonio.

Tinanong din ni Escudero si Ortonio kung maaring magkaiba ang nasabing mga lagda ng Bise President na kinumpirma naman ng huli.

“Yes, that’s correct, Your Honor,” sagot ni Ortonio.

Ang mga dokumento iprinisenta ng prosekusyon kaugnay ng alegasyon tungkol sa paggamit ng confidential funds ng OVP.