Librarian gitulis sa SRP
CEBU, Philippines – Gitulis ang usa ka librarian sa tulo ka lalaki nga nagsakay og motorsiklo sa South Road Properties (SRP) sa Barangay San Isidro, Dakbayan sa Talisay sa nilabay’ng gabii.
Ang biktima mao si Marites Ybañez, 39-anyos, minyo nga nagpuyo sa nahisgutang lugar.
Matud sa kapolisan sa Talisay nga naglakaw ang biktima padulong pauli sa ila’ng panimaye diha’ng kalit siya’ng gihunungan sa tulo ka lalaki nga nagsakay og XRM nga motorsiklo.
Ang duha nga nagsakay sa luyo sa motor ang ninaug ug niduol sa biktima dayun kuha sa bag nga adunay sulod nga iPod-mini nga balor og P12,000; Pocket Wi-Fi nga P1,500, mga ID ug uban pa niya’ng mga butang.
Yano lang nga nibalik pagsakay ang mga suspek sa motor dayun palayo sa nahisgutang lugar.
Nidangop ang biktima sa kapolisan apan pakyas ang mga awtoridad sa pagsubay sa mga kriminal. – /GMR) (BANAT NEWS)
- Latest
