NCR 'family living wage' nasa P1,164 kada araw, malayo pa rin sa minimum
MANILA, Philippines — Nasa P1,164 kada araw na sahod ang kinakailangan ng isang pamilyang may limang miyembro para mabuhay nang "disente" sa Metro Manila — ito'y kahit tinaasan na nang bahagya ang minimum wage sa rehiyon, ayon sa IBON Foundation.
"The National Capital Region family living wage (FLW) as of July 2023 is P1,164 per day or P25,327 per month," wika ng economic think tank sa isang pahayag, Martes.
"Despite the recent wage hike effective mid-July, the NCR nominal wage of P610 is 47.7% short of the regional FLW."
The NCR FLW as of July 2023 is Php1,164/day or Php25,327/month. Despite the recent wage hike effective mid-July, the NCR nominal wage of Php610 is 47.7% short of the region's FLW.
— IBON Foundation (@IBONFoundation) August 8, 2023
Hi-res on our site: https://t.co/3eM4sPoctk#PeopleEconomics pic.twitter.com/ACKueWXao6
Inestima sa naturang FLW ang mga pang-araw-araw na gastusin gaya ng:
- pagkain
- upa sa bahay
- tubig, kuryente, gas
- iba't ibang serbisyo
- transportasyon
- komunikasyon
- kalusugan
- damit
- edukasyon
- nakalalasing na inumin
- special family occassions
- recreation and culture
- savings
- atbp.
Matatandaang ika-16 ng Hulyo nang aprubahan ng regional wage board ang P40 umento sa sahod sa National Capital Region, bagay na sinasabing pakikinabangan ng 1.1 milyong katao.
Dahil dito, lumalabas na P554 kada araw na sahod ang kulang sa minimum wage sa NCR — lugar kung saan pinakamataas ang sahod sa Pilipinas — para makasapat sa "disenteng" pamumuhay.
Mas mababa ang minimum na pasahod sa mga rehiyon labas sa NCR.
"The NCR minimum wage still falls short of the regional family living wage (FLW) despite the recent wage hike. Across the regions, minimum wages are likewise insufficient compared to the regional FLW," dagdag pa ng IBON.
"The biggest FLW-nominal wage gap is in [Bangsamoro Autonomous Region in Muslim Mindanao] with only P341 in nominal wages versus a P1,947 FLW."
Una nang nagbabala ang ilang ekonomista na maaaring mapataas ang inflation rate, o bilis ng pagtaas ng presyo ng bilihin, oras na magdagdag ng sahod. Pero sa kabaliktaran pa nga ang nangyari: lalo pa itong bumaba 4.7% nitong Hulyo.
Ilang progresibo na at analyst ang nagsabing hindi makasasama nang husto sa ekonomiya ang sahod sa "nakabubuhay" na lebel lalo na't magkakaroon lalo ng pera ang publiko na gastusin nna siyang ibabayad sa mga produkto't serbisyo.
- Latest